-
Siida-vuogádat sáhtášii leat ávkin go sámit vuostálastet sisabahkkemiid, oaivvilda Finn Arne Bieski-Selfors ođđa girjjistis
Galdu: YLE.fi Káre Jovnna Signe Finn Are, Finn Arne Bieski-Selfors lea gieskat almmustuvvan girjjistis vihkkehallan, makkár siidavuogádaga boahtteáigi sáhtášii leat. Girjji leat almmustahttán Siidaskuvla-prošeavtta olis. Siidaskuvla lea vuođđuduvvon jagis 2019 ja dan ulbmilin lea siidaortnega hálddašanmálle ealáskahttin ja ođasmahttin. Bieski-Selfors girjjis Siidaealáskahttin: Mo siida lea min boahtteáigi? oktan váldoáššin lea dat, ahte leago dárbu ealáskahttit siidavuogádaga ja movt dan sáhtašii dahkat. Loga eambbo
-
Sámekonferánsa Ohcejogas
Siidaskuvla doalai oanehis sáhkavuoru 23. Sámekonferánssas, mii dollui Ohcejogas 18.-21.6.2026. Sieidda Harald (Harald Gaski) ja Fierranjot Kirstte Rávdná (Rauna Kuokkanen) muitaleigga sámekonferánssa áirasiidda, ahte siiddat leat sámiid árbevirolaš demokratiija, man bokte sáhttit čohkket searaid, ovttasbargat, ovddidit riekteáššiid ja nanosmahttit iežamet árvvuid ja servodaga siskkáldasat ja caggat sisabahkkemiid.
-
Sámenuoraid konferánsa Gávnnadeapmi 3
Siidaskuvla doalai nuoraide lávvoságastallama siiddaid ealáskahttimis oassin sámenuoraid Gávnnadeami 3, mii lágiduvvui Ohcejogas 15.-16-6.2026. Káre Jovnna Signe Finn Arne (Finn Arne Bieski Selfors) muitalii siidavuogádaga atnuiváldimis otná sámeservodagas. Ságastalaimet das manin dat lea dárbbašlaš ja dehálaš dál, go Sámis leat ollu stuorra sisabahkkemat, ja mo dan sáhttá dahkat. Son lea čállán e-girjji, man sáhtát luđet dás:
-
SIIDAEALÁSKAHTTIN: OĐĐA GIRJI ILBMAN
SIIDAEALÁSKAHTTIN: Mo siida lea min boahtteáigi? Sáhtat dál luđet Siidaskuvlla ođđa girjji SIIDAEALÁSKAHTTIN: MO SIIDA LEA MIN BOAHTTEÁIGI? Čállán KÁRE JOVNNA SIGNE FINN ARNE (FINN ARNE BIESKI SELFORS)
-
Giellajoga jurddabádji
Čoahkkaneimmet smávva joavkkuin 27.-29.8.25 Giellájohgáddái háleštallat siidavuogádaga boktima geavatlaš beliin Káre Jovnna Signe Finn Arne (Bieski-Selfors) čielggadeami vuođul. Finn Arne lea suokkardallan Siidaskuvla-prošeavtta joatkkadoaibman siidavuogádaga ja siiddastallanvieruid boktima vejolašvuođaid ja hástalusaid otná sámeservodagas. Ságastallamiin vihkkedalaimet leatgo sámeservodagas návccat dahje dárbu ásahit siidavuogádaga. Leimmet ovttaoaivilis das, ahte dál orru dárbu ealáskahttit siiddaid ja siidavuogáda sámi servodatásahussan, man vuođđun leat árbevirolaš sámi árvvut, muhto seammas maiddái heivehit siidavuogádaga otnábeaivái ja diliide, mas mii dál eallit. Siiddaid boktima sáhtášii álggahit nu, ahte vuos ásahuvvojit ofelašsiiddat báikkiide, gos daidda lea beroštupmi ja dárbu. Siidavuogádaga boktin lihkostuvvá, jus mii buohkat bargat ovttasráđiid ja soabalaččat dan ovdii. Evttohus Sámiráđđái 2026 Sámekonferánssa oktan váldofáddán. Siida lea sámiid árbevirolaš…
-
Lávdan Sámi Arena: Moadde gova
Moadde gova Siidaskuvla-dáhpáhusas Guovdageainnus Lávdán Sámi Arena áigge, geassemánus 2025 Eanet dieđut: lavdansamiarena.com
-
Lávdan Sámi Arena: Várre beivviid!
Geassemánu 10.-15. b 2025, Guovdageainnus Bures Boahtin Lávdan Sámi Arenai Lávdan Sámi Arena lea sadji sámi siviilaservodahkii gos sáhttá čoahkkanit ságastallat, digaštallat ja ovdánahttit. Dát lea siviila servodaga organisašuvnnaid, ásahusaid ja politihkkáriid deaivvadanbáiki, ja prográmma leat sii ráhkadan iežaset dárbbut mielde. Vuosttaš Lávdan Sámi Arena lágiduvvo geassemánu 10.-15. b. 2025, Guovdageainnus Norgga beale Sámis. DIEĐIHEAMI DÁS
-
Ovttastallan ja siiddat otnábeai servodagas
Siidaskuvlla ja Sámi dieđalaš áigečállaga almmuhanseminára 22.-23.2.2024 Diehtosiida, Guovdageaidnu Sáhkaskáiddi auditoria Buohkaide rabas seminára ja ságastallan – buresboahtin! Siidaskuvla fállá gáfiid/deajaid bodduid áigge buohkaide. Mállásiid (lunššat ja duorastaga eahketmállásat) ja vejolaš idjadangoluid oasseváldit gokčet ieža. Seminára maiddái striimejuvvo dán liŋkka bokte: https://samas.zoom.us/j/67579864875 Duorasdat 22.2.2024 12-13 Lunša allaskuvlla kantiinnas 13-13.30 Ráhpan: Asta Balto, allaskuvlla prorektor Sámmol Valkeapää, Harald Gaski, Rávdná Kuokkanen 13.30-14.30 Girjealmmuheapmi 1: Kirste Paltto – Ella ja Milot Váimmosvári siiddas Ságastallan 14.30-15 Gáfestallan 15-17 Sámi dieđalaš áigečállaga fáddánummira almmuheapmi Ságastallan 18.00 Mállásat Thon hoteallas ja ovttastallan Bearjadat 23.2.2024 9-10 Girjealmmuheapmi 2: Siiddaid Sápmi girji Ságastallan 10-10.30 Gáfestallan 10.30-11.15 Lágádusaid sátnevuorru: Ristiina Utsi, DAT ja Máret Aleahta Utsi, Davvi Girji Kommentára: Saia Stueng, allaskuvlla sámi girjjálašvuođa PhD studeanta; Harald Gaski jođiha 11.15-12 Panelaságastallan: Manin ja masa dárbbašit…
-
Siidaskuvla 2023 Buletjávrris – fiinnis dego lotti čoali sis´
Maŋimuš Siidaskuvlla gávnnadeapmi lágiduvvui Buletjávrris geassejorggáldagas 2023. Doppe Siidaskuvla čoahkkanii oahppat sohpparjurdagis ja árbemáhtus ja veahki bivdimis Geassejorggáldatbeaivve geavaheimmet árvvoštallat ja ságastallat mo leat lihkostuvvan siidaskuvllain ja plánet min girjjálaš buktagiid almmustahttinseminára. Mearrideimmet doallat dan 22-23. guovvamánus 2024 Diehtosiiddas, Guovdageainnus. Jurdda das, ahte čoahkkanit Buletjávrái lei badjánan dálvit go min siidaskuvlaoabbá Fierranjot´ Kirste lei oahpásnuvvan Mai Britt ja Nils Duommá Utsiin ja šattai sudno ustibin. Nils Duommá lei muitalan mo son lea ovddidan sohpparjurdaga ja Kirste fas muitalii sudnuide siidaskuvllas. Šattai lunddolaš ovttasbargu ja Mai Britt ja Nils Duommá bovdiiga min Buletjávrái buresboahtit. Mii leat hui giitevaččat, ahte Mai Britt ja Nils Duommá gázzi válde min nu čábbát vuostá. Vásiheimmet čáppa,…
-
Siidaskuvla 2023 Buletjávrris – fiinnis dego lotti čoali sis´
Maŋimuš Siidaskuvlla gávnnadeapmi lágiduvvui Buletjávrris geassejorggáldagas 2023. Doppe Siidaskuvla čoahkkanii oahppat sohpparjurdagis ja árbemáhtus ja veahki bivdimis Geassejorggáldatbeaivve geavaheimmet árvvoštallat ja ságastallat mo leat lihkostuvvan siidaskuvllain ja plánet min girjjálaš buktagiid almmustahttinseminára. Mearrideimmet doallat dan 21-22. guovvamánus 2024 Diehtosiiddas, Guovdageainnus. Jurdda das, ahte čoahkkanit Buletjávrái lei badjánan dálvit go min siidaskuvlaoabbá Fierranjot´ Kirste lei oahpásnuvvan Mai Britt ja Nils Duommá Utsiin ja šattai sudno ustibin. Nils Duommá lei muitalan mo son lea ovddidan sohpparjurdaga ja Kirste fas muitalii sudnuide siidaskuvllas. Šattai lunddolaš ovttasbargu ja Mai Britt ja Nils Duommá bovdiiga min Buletjávrái buresboahtit. Mii leat hui giitevaččat, ahte Mai Britt ja Nils Duommá gázzi válde min nu čábbát vuostá. Vásiheimmet čáppa,…
