Siiddaid birra
1990 sámeláhkaevttohus Suoma bealde: Sámeláhkaevttohusa ulbmilin lei máhcahit sámiide sin rivttiid eatnamiidda ja čáziide, maid sii leat doložis ássan ja geavahan, ja dorvvastit sámegiela, sámekultuvrra ja dasa gullevaš ealáhusaid. Guovddáš sisdoallun láhkaevttohusas ledje siiddat ja daid sajádat eatnamiid hálddašeaddjin. 18.6.2020 lei gollan 30 jagi sámeláhkaevttohusa gárvvásmuvvamis ja Yle Sámeradio jearahalai Sámedikki ovddeš láhkačálli Humu-Ami Heaikka (Heikki Hyvärinen) ja siidaskuvlla Skuvlaalbmá Áslat ja Joovnâš Ailâ Niillas Áslat (Aslak Holmberg). Dan beaivve gulaimet maid Ealli arkiiva sámeradio sáddaga 30 jagi dassái sámeláhkaevttohusa birra.